MUSEO DE PÉRGAMO II

Outro dos tesouros expostos neste museo é A Porta do Mercado de Mileto, un dos exemplos máis coñecidos de fachadas arquitectónicas romanas, construída cara ao ano 120 da nosa era. Integrada na muralla da cidade por Justiniano no século VI, foi destruída antes do ano 1100 por un terremoto. A principios do século XX as escavacións dos alemáns Wiegand e Knackfuss sacaron á luz partes esenciais da porta, que foi reconstruída máis tarde no Museo de Pérgamo en dimensións e con pezas orixinais.